ഉപ്പിലിട്ടത്

പത്തായപ്പുരയുടെ മൂലയ്ക്ക് 

ആരുംകാണാതെ മൺഭരണിയിൽ 

തിരശ്ശീല കെട്ടി ഒളിപ്പിച്ചിട്ടുണ്ട് ഞാൻ

പ്രണയത്തിന്റെ കണ്ണി മാങ്ങകൾ

"ഠ" ഗുരു "ഠ"

ഉള്ളു പൊള്ളിയാലത് സഹിച്ചു-
പിടിക്കാതെ മുഖം വീര്‍പ്പിച്ചാല്‍ 
ജീവിതം തവിടുപൊടിയാകുമെന്ന് 
പപ്പടമാണെന്നെ പഠിപ്പിച്ചത്‌

ഉറുമ്പരിച്ച കിനാവുകൾ

ചക്കരേ.. തേനേ....  എന്നൊക്കെ നീട്ടി
വിളിക്കുമ്പോള്‍  ഇവയൊക്കെ
ഉറുമ്പരിക്കുമെന്ന് ഞാനോർത്തി-
ല്ലെന്നതാണെന്‍ കുറ്റബോധം

Where the GOD is situated??

എവിടെയാണു ദൈവം ഞാന് ചോദിച്ചു.
നീ അമ്പലത്തിലൊരു പുഷ്പാഞ്ജലി നടത്തു അപ്പോ മനസ്സിലാകും.. പുഷ്പാഞ്ജലി നടത്തി
കളഭാംഗിതമായ പുഷ്പങ്ങളടങ്ങിയ വാഴയിലയിലാക്കിയ പ്രസാദം വാങ്ങി തിരിച്ചെത്തി...
വീണ്ടും ഞാന് എവിടെയാണു ദൈവം??
നീ അമ്പലത്തിലെ കണ്ണനൊരു പായസം കഴിപ്പിക്കൂ അപ്പോ മനസ്സിലാകും.. പേരും നക്ഷത്രവും ഒക്കെപ്പറഞ്ഞ് പായസം കഴിപ്പിച്ചു. ഞേറ്റിയില് പായസവുമായി തിരിച്ചെത്തി.
വീണ്ടും ഞാന് - എവിടെയാണു ദൈവം??
നീ ഗണപതിക്കൊരായിരത്തൊന്നപ്പം നേരൂ അപ്പോ മനസ്സിലാകും എവിടെയാ ദൈവമെന്ന്...
ഇക്കുറി അങ്ങനെ കാശു കളഞ്ഞു പ്ലീംഗണ്ടാ....... ഞാങ്കരുതി.....
അപ്പോ ആക്ച്വലി ഈ ദൈവമെവിടെയാണ്........

ഇതുവരെ ഇതിനായി ഞാനെന്തെല്ലാമാണ് ചെയ്തു കൂട്ടിയത്.... ദൈവത്തിനു പുഷ്പാഞ്ജലി നടത്തി എനിക്കെന്തു കിട്ടി പുഷ്പസമേതമായ പ്രസാദം...
കണ്ണനു പായസം നേര്ന്നു എനിക്കെന്തു കിട്ടി ഒരു തൂക്കു പായസം... ഇനി ഗണപതിക്ക് അപ്പം കൊടുത്തിരുന്നേല് സ്വാഭാവികമായും കിട്ടുക അപ്പം മാത്രം... ശ്ശെ ആക്ച്വലി ദൈവമെവിടെയാണ്.....
ങെ ദൈവത്തിനു പൂക്കളര്പ്പിച്ചു എനിക്കു പൂക്കള് തന്നെ കിട്ടി.. ദൈവത്തിനു പായസം നേര്ന്നു എനിക്കു പായസം കിട്ടി.. ഇനി ദൈവത്തിനപ്പം കൊടുത്താലതും എനിക്കു തന്നെ കിട്ടും.... അപ്പോ ദൈവം കല്ലിലല്ല മറിച്ച് എന്നിലാണുള്ളതെന്ന് ഇതിലും വ്യക്തമായെങ്ങനെ ബോധ്യപ്പെടുത്താനാണ് .......

നിരാഹാരം

ദൃഢതയുടെ നിരാഹാരമായ്‌ തുടങ്ങി
ചാഞ്ചല്യത്തിന്റെ നീരാഹാരത്തിലൂടെ
ഉളുപ്പില്ലായ്‌മയുടെ നിരന്തരാഹാരമായ്‌
പരിണമിക്കുന്നുവോ ഈ സമരായുധം