ഉപ്പിലിട്ടത്

പത്തായപ്പുരയുടെ മൂലയ്ക്ക് 

ആരുംകാണാതെ മൺഭരണിയിൽ 

തിരശ്ശീല കെട്ടി ഒളിപ്പിച്ചിട്ടുണ്ട് ഞാൻ

പ്രണയത്തിന്റെ കണ്ണി മാങ്ങകൾ

"ഠ" ഗുരു "ഠ"

ഉള്ളു പൊള്ളിയാലത് സഹിച്ചു-
പിടിക്കാതെ മുഖം വീര്‍പ്പിച്ചാല്‍ 
ജീവിതം തവിടുപൊടിയാകുമെന്ന് 
പപ്പടമാണെന്നെ പഠിപ്പിച്ചത്‌

ഉറുമ്പരിച്ച കിനാവുകൾ

ചക്കരേ.. തേനേ....  എന്നൊക്കെ നീട്ടി
വിളിക്കുമ്പോള്‍  ഇവയൊക്കെ
ഉറുമ്പരിക്കുമെന്ന് ഞാനോർത്തി-
ല്ലെന്നതാണെന്‍ കുറ്റബോധം